Зродили ся терки за горами,	a  d  E  a
Підеме ми на ні з кошиками:	a  d  E  a
Будеме торгати, будеме ламати,   C d   E  a
З конарями, з конарями.		 a  d   E  a  (G)

Пришов би-м я до вас, кед би-м я сьмів,
Жеби-сте мі дали, што би-м я хтів:
Тото дівча шварне, што ма очка чорне,
То би-м я хтів, то би-м я хтів.

Пришов би-м я до вас, кед би-м я сьмів,
Жеби-сте мі дали, што би-м я хтів:
На мисочку лeну и вашу Олену,
То би-м я хтів‚ то би-м я хтів.

Пришов би-м я до вас кождий вечер,
Пред вашма дверми велька мочар...
Прелож, мила, дручки, прейду помалючки
Кожний вечер, кожний вечер.

Пришла би-м я до вас, кед би-м сьміла,
Жеби-сте мі дали, што би-м хтіла:
Того шугаїчка, штo ма біли личка,
То би-м хтіла, то би-м хтіла.