Горе малинячком, долу малинячком,
Назвало ня дівча, гей, великим пиячком.

Я не пю палінки, лем палену воду,
Не кохам дівчатко, гей, а лем єй уроду.

Паліночку пив би-м, дівчатко любив би-м,
Чорни очка мала, гей, вера, полюбив би-м.

Дай же мі, Воженьку, горду жениченьку,
Жеби ня водила, гей, з корчми за рученьку.

Жеби ня водила, жеби мя не била;
Добра би то, Боже, гей, жениченька била !

Мислила-с, мамичко, же ся ня не збудеш,
Я ти повідала, гей, же плакати будеш !

Ой, плачу я, плачу на свою мамичку,
Же ня замуж дала, гей, таку невеличку...

Ні мі з хлопом спати, ні в хижи лишати;
Oй, Боже мій, Боже, гей, што ж буде почати ?

Юж-єм ся оженив, юж навіки амінь,
Юж-єм си привязав, гей, до главички камінь.

Юж-єм ся оженив, юж буду свою мав,
А юж вас, дівчата, гей, не буду любував !

Весіля ся кінчит, біда ся зачинат,
Пані млада плаче, гей, же юж не витримат...