Ой, верше мій, веше, мій зелений верше,
Юж мі так не буде, юж мі так не буде,
Як мі било перше.

Бо перше мі било, барз мі добрі било...
От свойой мамички, од свойой мамички,
Не ходити било.

Не ходити било горами, лісами,
Не любити било, не любити било
З чорними очами.

Яничку, златовлас, чом не ходиш до нас ?
Ци ся мами боїш, ци ся мами боїш,
Ци о ня не стоїш ?

Мами ся не бою и о тебе стою
Лем ся преокрутні, лем ся преокрутні
Злих язиків бою.

Бо тоти язики гірше ніж од меча:
Порубат, посіче, порубат, посіче,
Лем кров не потече.

Шугайови очи ходят по убоци,
А мої за нима, а мої за нима,
Здали би ся з нима !

На єдно ся здаме - чорни очка маме,
На друге ся здаме, на друге ся здаме -
Жадво нич не маме...