В зеленім гаю древка рубают,
Аж до Дунаю, аж до Дунаю
Тріски падают.

Падают вельки, падают мали,
Ид їх позберай, ид їх позберай.
Дівчатко шварне !

Ид їх позберай, наклад з них огня
И випер милому, и випер милому
Кoшелю до дня.

В пятницу намоч, в суботу випер,
А в неділю рано, а в неділю рано
Милого прибер.

В неділю рано, як сонце сходит,
Юж мій миленький, юж мій миленький
Під перком ходит.

Коби я знала, котра му дала,
Зараз би-м я єй, зараз би-м я єй
Главичку стяла.

Главичку стяла, в Дунай шмарила -
Най мі не любит, най ми не кохат
Мого фраїра !